Unha ferida ao envorcar un coche en Castroverde

Fonte: 4/04/2013 - elprogreso.es

O envorco rexistrouse sobre as 12.15 horas no quilómetro 25 da LU-530, a estrada de Lugo á Fonsagrada, segundo datos facilitados polo 112 a Europa Press.

A Garda Civil de Tráfico sinalou que unha muller estaba atrapada polas pernas, que tivo que ser excarcerada polos bombeiros do seu vehículo, un todoterreo Toyota, matrícula 8992 BSR.

Unha ambulancia asistencial levou á persoa ferida ao Hospital Universitario Lucus Augusti de Lugo, segundo indicaron fontes sanitarias.

Un incendio calcina a vivenda dun ancián en Serés (Castroverde)

Fonte: EFE 04/04/2013

Portada de "El Progreso"

Un incendio destruíu esta noite unha casa unifamiliar de dúas plantas no lugar de Seres, no municipio lucense de Castroverde, na que vivía un home de avanzada idade, segundo informaron a EFE os servizos de urxencias, aínda que sen chegar a causar danos persoais.

Os bombeiros consideran que a causa puido ser unha tixola que quedou ao lume por esquecemento do morador da vivenda.

A central de coordinación de urxencias do 112 recibiu aviso do incendio ás 22.26 horas e mobilizou aos bombeiros de Sarria e Lugo, a persoal do propio Concello de Castroverde e á Garda Civil para sufocar o lume, así como ao servizo de urxencias médicas do 061 para atender ás posibles vítimas.

Ata o lugar do incendio desprazáronse dotacións dos bombeiros de Lugo e Sarria, pero a ambulancia do 061 non chegou a saír, porque os propios servizos de urxencias confirmaron que non había xente atrapada na vivenda.

Ao redor das once e media da noite, os bombeiros, que contaban coa axuda dos veciños do lugar, que acudiron con cisternas para sufocar o incendio, confirmaron que o lume xa estaba controlado, pero non extinguido. Finalmente, cando faltaban uns dez minutos para a unha da madrugada, deuse o incendio por sufocado, pero o lume xa destruíra un alpendre anexo á edificación principal e practicamente toda a vivenda, dado que incluso chegou a derrubarse o piso da primeira planta, que era de madeira.

A falta de confirmar a orixe do incendio, os bombeiros apuntan como hipóteses a que puido ser provocado por unha tixola que o propietario da vivenda esqueceuse de retirar do lume.

Detido un octoxenario en Castroverde por ameazar a un veciño cun arma de fogo

Fonte: 03/04/2013 - elprogreso.es (Lugo)

Un veciño de Castroverde, de 85 anos de idade, foi detido pola Garda Civil como suposto autor dun delito de ameazas con arma de fogo.

Os feitos, segundo informou este mércores o instituto armado, ocorren na zona de Outeiro, en Monte. Ao parecer, debido a unhas desavinzas polos lindes dunhas leiras, o agora detido ameazou cunha arma curta a un veciño. O home xa foi posto a disposición xudicial.

Festan en San Julián de Pereiramá

Cartel das Festas de San Julián 2013

O vindeiro Domingo 31 de Marzo celébranse as Festas de San Julián de Pereiramá na honra a Virxen das Hermitas, na que contaremos co seguinte programa:

(13:30h) Misa Solemne.

(14:00h) Sesión Vermú.

(23:30h) Festa e Verbena amenizada pola Orquestra CASABLANCA.

CAMPO CUBERTO CON CARPA!

* Previsión Meteorolóxica:

- Probabilidade de Choiva: Mañá (40%) | Tarde (95%) | Noite (95%).

- Temperaturas: Mínima (8ºC) | Máxima (16ºC).

Unha decena dos 32 cans de Paderne aínda esperan a súa adopción

Rocío Rivas, acariciando un dos seus cans. | Foto: Óscar Cela

Ao redor dunha decena dos cans de Paderne, en Castroverde, aínda están pendentes de adopción, segundo informou o presidente da Protectora de Animais e Plantas de Lugo, Javier García Calleja. A xuíza Estela San José interviñera en setembro porque nunha leira de Paderne atopábanse 32 cans aglomerados, algúns desnutridos e outros enfermos. Varios deles xa atoparon novos fogares, pero o resto continúan na leira á espera de ser adoptados. Están vacinados, desparasitados e listos para atopar un novo fogar, e por agora están a ser atendidos polo Concello coa colaboración da Protectora lucense.

A maioría dos cans son cariñosos e tranquilos, aínda que miedosos e desconfiados ao principio, segundo explican na Protectora. Tamén sinalan que non están preparados para irse a vivir a un piso, salvo que sexan socializados previamente. En calquera caso, para facilitar o proceso de adopción, na páxina web da Protectora instalaron un apartado para estes animais. Cada un dispón dunha ficha, con foto, idade, carácter, raza... e ofrecen toda a información sobre o proceso adoptivo.

Paciencia e atención

Estes animais non son agresivos, pero si que precisan de moita atención e de paciencia por parte dos adoptantes, para completar o seu proceso de socialización.

Os donos terán que correr cos gastos do microchip, a cartilla de identificación e a esterilización obrigatoria no caso de que sexan femias.

"La Voz de Galicia"

Detido en Lugo un mozo de 17 anos por abusar dunha moza de 15

Un mozo de 17 anos foi detido pola Garda Civil do municipio lucense de Castroverde, imputado por un delito de abusos sexuais. A vítima foi unha moza, tamén menor de idade, concretamente de 15 anos. O raparigo foi posto en liberdade despois de prestar declaración.

Aínda que a detención foi practicada nas últimas horas, os feitos remóntanse a hai algunhas semanas, segundo indicaron fontes da investigación.

Ao parecer, os supostos abusos sexuais chegaron a ser presenciados por algúns maiores que se atopaban preto dos dous protagonistas do feito, pero non lles concederon importancia. Inicialmente, tampouco a vítima deulle maior transcendencias. Os feitos, con todo fixéronse públicos, motivo polo cal interveu a Garda Civil, que estimou que o ocorrido, basicamente tocamentos que supostamente non foron consentidos pola menor, podería ser constitutivo dun delito.

"La Voz de Galicia"

A Igrexa de Castroverde require de 21.000€ máis

Os promotores da rehabilitación integral da igrexa de Santiago de Castroverde necesitan reunir 21.000€ para completar o orzamento das obras.

Unha comisión integrada polo párroco, Manuel Varela Gorgoso, e un grupo de fregueses puxo en marcha un peditorio popular coa que se recadaron ata agora uns 23.000€ dos 44.000 previstos, polo que os impulsores desta actuación, tras agradecer o apoio dos veciños, pídenlles un esforzo extra para alcanzar a cantidade que se comprometeu a achegar a parroquia.

Estes traballos, que arrincaron a mediados do pasado mes de setembro, na actualidade atópanse máis que avanzados. Co que o párroca espera reabrir a Igrexa pola Semana Santa, ya que nestos días a concentración de fieis é maior.

Amigos do Patrimonio pide que se limpe un carreiro en Castroverde

A directiva de Amigos do Patrimonio de Castroverde reivindica a limpeza de refugallos dunha ruta polo municipio, entre as parroquias da Meda e Bolaño. Os responsables do colectivo realizaron esa demanda tras comprobar en días pasados, ao percorrer ese carreiro, que había residuos en lugares como As Lagas, a pesar de que socios de Amigos do Patrimonio e veciños da zona limparon hai anos a zona.

Desde o colectivo tamén se queixaron da proliferación de plásticos e outros residuos agrícolas incorrectamente almacenados.

Os socios que participaron nesta ruta partiron do alto do Cruceiro, onde se erixe unha cruz de base cadrada, cunha inscrición do século XVIII. A continuación fixeron parada en lugares como a capela de Santa María, en Vilafrío, onde houbo un mosteiro, e unha fonte próxima, agora abandonada, polo que reclamaron a súa restauración.

Fonte: "El Progreso"

Aída Valiño proclámse Campiona Galega en Poio

Foto: Miguel Villar.

O Campionato Galego de dúatlon cros celebrouse onte en Poio. A competición desenvolveuse en modalidade sprint (5,4 quilómetros a pé, 19,5 en bicicleta e outros 2,7 de carreira) e tivo un marcado dominio lucense. Aida Valiño, nacida en Castroverde, impúxose en categoría feminina e Rubén Rodríguez fixo o propio en homes.

A proba de mulleres contaba cun prognóstico claro a favor de Aida Valiño (Wolf Fluvial). A de Castroverde esmagara aos seus rivais nas dúas últimas probas do circuíto autonómico e onte volveu exercer a súa hexemonía no ámbito galego. Completou a carreira en 1.54.52 horas e avantaxou en máis de dez minutos a Priscila Suárez, segunda clasificada. Belén Lemat (Wolf Fluvial) acabou terceira a máis de 36 minutos da vencedora.

Na proba masculina, o Wolf Fluvial copou o podio. Rubén Rodríguez anotouse o triunfo cun tempo de 1.28.03 horas. O seu irmán Gustavo Rodríguez, favorito, non lle disputou a vitoria. Miguel Ángel Arias fíxose co bronce, a dezaseis segundos do campión.

Fonte: "La Voz de Galicia"

Detido un castroverdense por ameazar ao seu fillo con dispararlle

Un veciño de Castroverde foi detido e posto a disposición xudicial pola Garda Civil despois de que o seu fillo o denunciase por ameazarlle con pegarlle un tiro, durante unha discusión no domicilio familiar por unha débeda de 160€. O home foi finalmente posto en liberdade con cargos polo xulgado de instrución número 3, aínda que antes tivo que pasar toda a noite nos calabozos do cuartel de Castroverde.

Segundo puido saber este diario, a discusión entre ambos deriva dunha denuncia previa polo roubo do teléfono móbil do pai. Este denunciou no seu día que llo roubaron na casa e o seu seguro do fogar fíxose cargo do mesmo. Ingresoulle os 600€ nos que estaba valorado o terminal nunha conta que, ao parecer, compartía co seu fillo, pero como este tiña unha débeda co banco de 160€, a entidade retívolle esa cantidade, polo que non puido reintegrarlle os 600€ ao completo ao seu pai.

Fonte: "El Progreso"