A Igrexa de Castroverde require de 21.000€ máis

Os promotores da rehabilitación integral da igrexa de Santiago de Castroverde necesitan reunir 21.000€ para completar o orzamento das obras.

Unha comisión integrada polo párroco, Manuel Varela Gorgoso, e un grupo de fregueses puxo en marcha un peditorio popular coa que se recadaron ata agora uns 23.000€ dos 44.000 previstos, polo que os impulsores desta actuación, tras agradecer o apoio dos veciños, pídenlles un esforzo extra para alcanzar a cantidade que se comprometeu a achegar a parroquia.

Estes traballos, que arrincaron a mediados do pasado mes de setembro, na actualidade atópanse máis que avanzados. Co que o párroca espera reabrir a Igrexa pola Semana Santa, ya que nestos días a concentración de fieis é maior.

O cura e veciños de Castroverde planean reformar a igrexa parroquial...

Os veciños de Castroverde e o seu sacerdote, Manuel Varela Gorgoso, decidiron promover a restauración da igrexa de Santiago dado que, en palabras do propio párroco, «é o edificio máis deteriorado do seu entorno, aínda que está situado no centro da vila, a primeira vista, e nun lugar clave do Camiño Primitivo»

O proxecto de reforma contempla a reposición da cuberta, dos canlóns e da instalación eléctrica, ademais da limpeza de paredes e encalado interior e exterior. Segundo o párroco, son unhas obras «moi necesarias e urxentes» que suporán «unha renovación total do edificio».

O orzamento da restauración da igrexa ascende -entre o proxecto, a dirección da obra e a execución- a un total aproximado de 145.000€, aínda que os promotores prevén que, coa subida do Iva prevista para setembro, o gasto aumente.

El Progreso