Un incendio destrúe por completo unha casa en Castroverde

Un incendio deixou reducida a cinzas a pasada madrugada unha vivenda unifamiliar no municipio lucense de Castroverde, ata o punto de que a propia estrutura da casa viuse "colapsada" por mor das elevadas temperaturas e derrubouse, sen que se rexistrasen danos persoais, informaron a EFE fontes do 112.

Na casa, que está situada no lugar de Berlán, na parroquia de Montecubeiro, residía unha muller, que non sufriu danos a causa do lume.

A central de coordinación de urxencias recibiu aviso do incendio ás 01:57 horas e mobilizou os bombeiros de Sarria, a persoal do propio Concello de Castroverde e Garda Civil.

Fontes dos bombeiros de Sarria indicaron que ata o lugar do incendio desprazáronse as dotacións de tres vehículos, pero cando chegaron á casa, o tellado "xa colapsara" e toda a vivenda estaba en chamas.

Da vivenda, que era de planta baixa, saíra "polo seu propio pé" a única habitante, "unha señora de avanzada de idade". O lume quedou sufocado ás 05:13 horas.

"El Progreso"

A parroquia máis grande de Galicia, é Montecubeiro...

Creo que case naide se decatará de que en Castroverde, se encontraba a Parroquia máis grande de Galicia, e posiblemente tamén de España (Como nos di Juan de Muxa), trátase dun dato que se ten que facer oír. Montecubeiro é unha parroquia que se localiza no concello de Castroverde.

Segundo o padrón municipal de 2004 tiña 261 habitantes (133 homes e 128 mulleres), distribuídos en 33 entidades de poboación, o que supón unha diminución en relación ao ano 1999 cando tiña 294 habitantes, polo que seguramente hoxe teña aínda menos poboación, pero eso sí consta de 33 entidades de poboación, entre as cales temos a:

O Albaredo | O Barreiro | Bascuas | Berlán | A Cabanela | As Cabozas | O Campo | Castelo | Cepomundín | A Cernada | Cubula | O Escouredo | O Fato | Foxos | A Graña | O Gruñedo |Insua | A Laxe | Maceda | Maxide | O Pereiro | O Podriqueiro | O Pombal | Pumarín | Sagaruxe | San Cibrao | Santadrao | Sarceda | Soutullo | Teixeda | A Valiña | A Veiga | Verducedo |Vilar | Os Vilares | Vilarín | O Vitureiro.

Fin de Semana...

Durante a seguinte fin de semana, teremos os seguintes acontecementos:

- RALI DE MELIDE 2011 [16 e 17 de Setembro]:

Durante estes días, o noso piloto autóctono Francisco López Rivas, intentará quedar entre os mellores nesta nova edición, desexamos sorte para el. Vamos Francisco!

- PRESENTACIÓN DOS 2 EQUIPOS DO CASTROVERDE F.S. [16 de Setembro]:

O vindeiro Venres, a partir das 21:00h terá lugar no Pavillón "A Ferrería" de Castroverde, a presentación do equipo xuvenil e tamén do equipo senior, para finalizar cun partido fronte ao Jim Sport Melide.

- FESTAS EN ESPASANDE [16, 17 e 18 de Setembro]

- FESTAS EN MONTECUBEIRO [16 e 17 de Setembro]:

Durante os días 16 e 17 de Setembro, celébranse as festas na parroquia de Montecubeiro, as cales presentan o seguinte programa:

Venres, 16 de Setembro:

(13:30) Misa Solemne.

(14:00) Sesión Vermú amenizada polo TRÍO PASIÓN.

(22:30) Verbena ao cargo do TRÍO PASIÓN e a ORQUESTA GRAN PARADA.

Sábado, 17 de Setembro:

(13:30) Misa Solemne.

(14:00) Sesión Vermú coa ORQUESTA VERSALLES.

(22:30) Verbena a cargo do DÚO LA HORA BRUJA e a ORQUESTA VERSALLES

(02:00) Sorteo de 1000€, ata que se coñeza o gañador.

- 2ª XORNADA, S.D. CASTROVERDE - C.F. FRIOL [18 de Setembro]:

Durante o Domingo, a S.D. Castroverde tratará de conseguir a 1ª Victoria da Tempada, no Campo da "Veiga do Olmo" ás 17:00h fronte ao C.F. Friol.