Castroverdenses Ilustres (IV): Aída Valiño...

 Outra das personaxes que merecen mención, é Aída Valiño nada en Castroverde no ano 1987. Sendo actualmente unha das melllores ou a mellor triatleta galega. Así en 2006 integrou a primeira selección galega do Triatlón, o que fixo que debutara internacionalmente ma Copa de Europa de Estoril (2006).  Actualmente milita no Club Fluvial de Lugo, e fai pouco en Septembro de 2011 volveuse proclamar Campeona Galego de Triatlón, sacándolle unha amplia ventaxa a 2ª clasificada. Obviamente, participa en numerosos campeonatos, pero cabe destacar o seguinte:

- 32º no Campionato do Mundo en Lausanne (Suíza) no ano 2006 (Categoría Júnior).

- Consegue os postos 40, 47 e 33 nas diversas Copas do Mundo sendo en Madrid (2006), Lisboa (2007) e Madrid (2007) respectivamente.

- En canto os Campionatos de Europa, consegue un 7º posto en Madrid no ano 2007 (Categoría Sub-23), e un dos seus mellores resultados o 2º posto acadado en Serres (Grecia) en 2008, tamén en dita categoría.

Ante todo un currículum que non é nada doado de conseguir, noraboa por ese gran traballo Aída. Pola contra a finales de 2008, despois de conseguir o seu maior título, vese frenada por diversas lesións, o que conleva ó paso polo quirófano e a largas convalecencias. Polo que pouco a pouco volverá conseguir o seu mellor nivel e como non volverá a codearse coas mellores do mundo neste deporte. Ánimo para ela.

Espasande no programa "Grandes Lugares" da CRTVG...

O pasado 21 de Marzo, emitiuse na CRTVG no programa "Grandes Lugares", o pobo de Espasande, onde os veciños nos mostran as riquezas nas que viven, e os orgullosos que se senten de ser de onde son, de Espasande (Castroverde). Aquí o vídeo do programa, Espasande aparece desde o principio ata o minuto 26:

O novo reitor da Universidade de Cantabria [UC] ten raíces en Castroverde...

O novo reitor da Universidade de Cantabria, José Carlos Gómez Sal, ten as súas raíces en Lugo. O seu pai e a súa nai procedían da parroquia de Espasande, en Castroverde, onde el pasou moitos veráns da súa infancia e mocidade. A pesar do apego que a familia tiña polo lugar, Gómez Sal naceu en Alcalá de Henares, onde os seus pais emigraron cando eran moi novos.

O novo reitor da Universidade de Cantabria asegura que acode todo o que pode a Castroverde, aínda que «menos do que me gustaría», apunta.

Tras ser elixido co 55% dos votos e desbancar a outros dous rivais, Gómez Sal sinala que os seus obxectivos á fronte da Universidade de Cantabria -institución á que leva ligado desde 1974 e en cuxo equipo de goberno xa participou- pasa por «seguir o modelo no que traballamos até agora, o dunha universidade moi implicada na sociedade cántabra, que colabora coas administración local e rexional, empresas e asociacións», indica.

Gómez Sal engade que a única universidade cántabra pública logra o 33% do seu orzamento a través da investigación, o que a sitúa entre as primeiras do país en canto a captación de fondos. Tamén destaca que é unha das primeiras institucións de educación superior que conseguiu fai un par de anos a declaración de campus de excelencia «porque o noso proxecto é un modelo para a rexión e toda a sociedade apoiouno».

Segundo Gómez Sal, os puntos fortes da UC están na área de hidráulica e enerxía eólica mariña, a área de banca e finanzas, onde conta co apoio do Banco Santander, a tecnoloxía da información e a astrofísica. O novo reitor asume que terá que facer recortes económicos, pero confía en non ter que tocar «partes vitais».

Fin de Semana...

Durante a seguinte fin de semana, teremos os seguintes acontecementos:

- RALI DE MELIDE 2011 [16 e 17 de Setembro]:

Durante estes días, o noso piloto autóctono Francisco López Rivas, intentará quedar entre os mellores nesta nova edición, desexamos sorte para el. Vamos Francisco!

- PRESENTACIÓN DOS 2 EQUIPOS DO CASTROVERDE F.S. [16 de Setembro]:

O vindeiro Venres, a partir das 21:00h terá lugar no Pavillón "A Ferrería" de Castroverde, a presentación do equipo xuvenil e tamén do equipo senior, para finalizar cun partido fronte ao Jim Sport Melide.

- FESTAS EN ESPASANDE [16, 17 e 18 de Setembro]

- FESTAS EN MONTECUBEIRO [16 e 17 de Setembro]:

Durante os días 16 e 17 de Setembro, celébranse as festas na parroquia de Montecubeiro, as cales presentan o seguinte programa:

Venres, 16 de Setembro:

(13:30) Misa Solemne.

(14:00) Sesión Vermú amenizada polo TRÍO PASIÓN.

(22:30) Verbena ao cargo do TRÍO PASIÓN e a ORQUESTA GRAN PARADA.

Sábado, 17 de Setembro:

(13:30) Misa Solemne.

(14:00) Sesión Vermú coa ORQUESTA VERSALLES.

(22:30) Verbena a cargo do DÚO LA HORA BRUJA e a ORQUESTA VERSALLES

(02:00) Sorteo de 1000€, ata que se coñeza o gañador.

- 2ª XORNADA, S.D. CASTROVERDE - C.F. FRIOL [18 de Setembro]:

Durante o Domingo, a S.D. Castroverde tratará de conseguir a 1ª Victoria da Tempada, no Campo da "Veiga do Olmo" ás 17:00h fronte ao C.F. Friol.