Sacrifican unha Vaca en Castroverde por exceso de peso...

A explotación Promora 2.000, de Castroverde, sacrificou hoxe unha vaca de raza loura galega que supera os 1.400 quilos. O peso dunha femia de gando vacún normal adoita oscilar entre os 700 e 800 quilos, polo que esta res, de nome Pastora, case duplicaba o peso normal dunha loura galega.

O encargado da explotación, Tino Regueira, asegura que «nunca tivemos unha res destas características. Nesta explotación hai unhas 300 vacas, todas moi boas, pero ningunha coma esta».

Fonte: "El Progreso"