O Concello de Castroverde custeará o tratamento dos cans de Paderne

O Concello de Castroverde sufragará o custo do tratamento sanitario da trintena de cans abandonados en Paderne .

Un veterinario fotografiando os cans. | Foto: Xesús Ponte

Esta intervención levaraa a cabo a Sociedade Protectora de Animais de Lugo, que nos últimos días elaborou un orzamento para determinar o prezo aproximado das actuacións sanitarias, que fixou nuns 1.500€. «Presentámoslle ao alcalde de Castroverde unha estimación do que custarían as actuacións de saneamento e determinou que o Concello abonaría o importe», comentou Javier García Calleja, presidente da Protectora.

O alcalde, Xosé María Arias, confirmou onte esta decisión tras desprazarse á leira na que se atopa a jauría para comprobar o estado dos cans. «O Concello ten que responsabilizarse dos cans porque así o determina un auto xudicial, por iso decidimos custear o saneamento», comentou Arias, e engadiu que «despois xa veremos a quen lle pasamos a factura, porque parece que os gobernos locais temos que cargar con todo e as cousas non son así».

"El Progreso"