Detidos dous mozos por colocar billetes falsos de 50 euros en Castroverde

Dous mozos de 32 anos de idade, que son veciños da capital lucense, foron detidos por axentes da Garda Civil acusados de senllos delitos de falsificación de moeda e estafa porque presuntamente colocaron en varios establecementos billetes de 50 euros, que non eran de curso legal.

Un dos billetes falsos. | Foto: Abelardo

Os feitos descóbrense por mor de que estes mozos realizasen consumicións nas últimas semanas en establecementos de hostalería e compras en comercios das localidades de Friol, Castroverde e Baamonde. O valor do que tomaban ou adquirían era escaso e sempre pagaban con billetes de 50 euros. Para que os donos non se decatasen intentaban distraerlles.

A voz de alarma deuna o pasado día 19 a dona dun supermercado de Castroverde, cando un dos mozos intentou pagarlle unha botella de viño que valía 1,30€ cun billete falso de 50€.

"El Progreso"