Paderne, no municipio lucense de Castroverde, amenceu onte con máis dunha trintena de cans ocupando as súas rúas. Os veciños prevían que isto ía acabar sucedendo, pois sabían que o número de cans crecía ano tras ano na palleira pertencente a unha veciña do pobo que non quere revelar a súa identidade.
 |
| Parte dos animais por Paderne. | Foto: Sebas Senande |
Esta veciña contratou a un empregado para que atendese a súa explotación gandeira hai sete anos, e que se estableceu nunha casa da propietaria, no pobo. Ao principio a manda empezou con dous cans, necesarios para coidar o gando, pero logo fóronse sumando varios máis. O dono non impediu que a manda crecese, así que os catro ou cinco dun principio fóronse multiplicando durante os sete anos, e hoxe ninguén manexa unha cifra exacta, pero calculan que haberá sobre trinta animais.
A dona, segundo conta M.M., avogada amiga da propietaria, permitiulle ter unha pequena manda nun principio, pois a ela tamén lle gustaban os cans. Pero logo o número de animais foi crecendo sen o seu control, dado que ela leva anos nunha cadeira de rodas e practicamente non sae de casa, ao que se lle suma que estivo hospitalizada durante varios meses este ano.
El Progreso
No hay comentarios:
Publicar un comentario