Detido un home de 42 anos polo abandono dos seus cans en Paderne (Castroverde)

Axentes da Garda Civil deteñen ao propietario dos cans abandonados na parroquia de Paderne, en Castroverde. Trátase dun veciño de Lugo de 42 anos que está acusado dun delito de malos tratos ou abandono de animais domésticos.

Parte da xauría en Paderne. | Foto: Sebas Senande

O dono da xauría recoñeceu ser o propietario de 31 cans, dos cales só tres están en posesión de microchip identificativo e a maioría carece de cartillas sanitarias e censos. Ademais, asegurou que cada dous días leváballes un saco de penso e que ao seu modo de ver os animais non estaban delgados. Con todo, o Seprona confirmou que o estado sanitario dos canes é moi deficiente e que presentan unha extrema delgadez.

Os veciños de Paderne aseguran que o dono dos animais, que traballaba ata hai uns meses coidando a explotación dunha octoxenaria da localidade, deixou de alimentalos hai uns días.

El Progreso