Aida Valiño e Gustavo Rodríguez impuxéronse en Maside

Clasificación da proba. | Foto: http://www.fegatri.org

A cuarta e última proba do Circuíto Galego de dúatlon cros disputouse onte en Maside. Gustavo Rodríguez e Aida Valiño, ambos do Cidade de Lugo, fixeron valer os prognósticos e adxudicáronse o triunfo nas súas respectivas categorías.

Gustavo Rodríguez, dominador absoluto en homes, avantaxou en oito segundos a Marcos Maio e en máis dun minuto ao seu compañeiro Rubén Rodríguez. Coa vitoria rexistrada en Maside, o duatleta fíxose co título do circuíto.

Aida Valiño, pola súa banda, adxudicouse a segunda carreira consecutiva. Avantaxou a Verónica Montes en case cinco minutos. Pero esta última anotouse o título no circuíto, xa que a de Castroverde só tomou parte nas dúas últimas probas.

Irene Serrat redondeou a actuación do Cidade de Lugo co seu triunfo na categoría júnior

Fonte: "La Voz de Galicia"